Me kërkesë të Komunitetit Shqiptar të Selanikut, një natë më parë u mbajt mesha e parë ortodokse në gjuhën shqipe në Selanik nga Atë Artem Cici, falë bashkëpunimit dhe punës së kryetarit atdhetar të kësaj shoqate, Dr. Luan Zyka.
Më në fund Mitropolia e Selanikut dha lejen, që në gjuhën e tyre të meshohen nga një prift shqiptar. Kishin kohë që e prinin një moment të tillë dhe përpoqën për t’ia arritur qëllimit që, si kombësitë e tjera praktikohej feja dhe të kishin këtë të drejtë. Tani erdhi momenti i shumëpritur i tyre me klerikët e kombësisë.
Në Greqi ka afërsisht 30 priftërinj shqiptarë, të cilët kanë lindur e mësuar në Shqipëri, e që praktikojnë në vende e metropoli të ndryshme.
“Selaniku tashmë ka dhënë një shembull për gjithë komunitetin shqiptar në Greqi: Nëse priftërinjtë shqiptarë themelojnë bashkëpunime vëllazërore me kryetarët e shoqatave shqiptare, me dëshira të çiltra për të mirën e përbashkët, për shqiptarin dhe përkatësinë shqiptare, gjithmonë do të ketë fryte të dobishme dhe të bekuara nga Zoti! Rroftë Komuniteti Shqiptar i Selanikut”, shkruhet në faqen Rrënjët Shqiptare.
Sot për ta është një ditë feste më tepër sepse realizuan ëndrrën e tyre.
