Tërmeti i madh që goditi Japoninë ditën e parë të këtij viti ka lënë pasoja të rënda. Një javë pasi tërmeti shkatërroi rrugët dhe infrastrukturën në fshatin Nishiaraya në veri të Japonisë, banorët ende vijojnë të jetojnë në kushte shumë të vështirë ndërsa ndjejnë se janë lënë në harresë nga autoritetet.
Që nga e shtuna, rreth 23,200 familje ishin pa energji elektrike në Ishikaëa dhe më shumë se 66,400 kishin mungesë të ujit të rrjedhshëm. Guvernatori i Ishikaëas, Hiroshi Hase, tha gjatë një takimi për menaxhimin e fatkeqësive se prefektura po përballej me situata jashtëzakonisht të rënda. Ai paralajmëroi gjithashtu se rivendosja e ujit të rrjedhshëm do të marrë një kohë të gjatë pasi shumë tuba uji kanë të çara.
Disa spitale dhe objekte për kujdesin e të moshuarve dhe personave me aftësi të kufizuara kanë humbur gjithashtu energjinë dhe ujin. Japonia është një nga vendet më aktive sizmikisht në botë dhe aktiviteti është rritur rreth Notos që nga fundi i vitit 2020. Më shumë se 500 tërmete të vogla dhe të mesme kanë goditur atje gjatë tre viteve të fundit.
Që nga mëngjesi i së hënës, tërmeti ka marrë jetën e të paktën 126 personave dhe 222 mbeten të zhdukur.
