Meta gjatë 24- orëve të fundit prezantoi shërbimin më të ri, Meta Vertifierd ku do të lejojë përdoruesit të përdorin logon e verifikimit në adresat e tyre kundjetë një pagese mujore. Këtë gjë e bëri të ditur vetë CEO Mark Zuckerberg.
Nisja do të jetë fillimisht në Zerlandën e Re dhe Australi, me një ccmim simbolik prej nga $11.99 për të gjithë personat që abonohen nga web, dhe $14.99 nëse ky abonim kryhet në iOS.
Meta Verified është një abonim që përfshin:
• Një logo verifikimi blu
• Shërbim klienti për problemet më të zakonshme
• Monitorimi aktiv i profileve fake
• Prioritet për profilet Meta Verified në komentet e të tjerëve
• Rekomandime në faqen Explore dhe Reels në Instagram
• Stickers ekskluzive në Story
Meta do të lejojë përdoruesit të verifikohen duke përdorur kartën e tyre të identitetit. Kompania shtoi se abonimi në këtë plan do të rrisë shikueshmërinë e adresave, mbrojtje ndaj tentativave për vjedhjen e identitetit të këtyre përdoruesve si dhe akses direkt me shërbimin e klientëve.
“Meta Verified është një shërbim që ka si qëllim rritjen e vërtetësisë dhe sigurisë në shërbimet që ne ofrojmë. Së shpejti ky shërbim do të jetë i pranishëm në më shumë shtete.”- shkruan Mark Zuckerberg në një postim në Facebook.
