Raportohet se Mbreti Charles se ka njoftuar Dukën e Jorkut se ai nuk do të jetë më në gjendje të përdorë suitën e ti, pasi nuk është më i mirëpritur në Pallatin Buckingham.
Ndërsa pallati po i nënshtrohet rinovimit të tij prej 369 milionë paundësh, gjërat e Princit Andrew janë hequr dhe thuhet se nuk do ti kthehen të zotit.
Sipas gazetës ‘The Sun’, thuhet se duka “nuk ka vend” në pallat dhe do të duhet të lëvizë diku tjetër nëse dëshiron të qëndrojë në Londër.
Gazeta citoi një burim të thoshte: “Mbreti e ka bërë të qartë se Pallati Buckingham nuk është vend për Princin Andrew.
“Në fillim zyra e tij u mbyll vitin e kaluar dhe tani dhoma e tij e gjumit. Andrew i pëlqente të kishte një suitë në Buckingham Palace, ku ai jo vetëm që ishte krijuar për jetën bashkëshortore me Sarah Ferguson, por e përdori atë si një bllok beqarie pas divorcit të tij.”
Lajmi vjen pasi Andrew thuhet se po komploton një ofertë ligjore për të përmbysur marrëveshjen e tij me Virginia Giuffre , e cila e akuzoi atë për sulm seksual ndaj saj kur ajo ishte e mitur.
Princi mohoi me forcë të gjitha akuzat dhe vazhdimisht ka pretenduar se nuk e njeh Giuffre. Vitin e kaluar, ai arriti një marrëveshje shumëmilionëshe me të për të ndaluar çështjen nga procedimi në një gjyq civil.
Burime pranë Andrew shprehën shqetësimin e tyre në lidhje me mbretëroren për ‘The Independent’ këtë javë , duke thënë se kanë frikë se ai po “bëhet i vetmuar” pasi ai është “i vetëm” në Royal Lodge në Windsor.
