Ligjvënësit në shtetin amerikan të Floridës kanë miratuar nj projektligj për shumicën e aborteve pas gjashtë javësh. Departamenti Amerikan i Drejtësisë ndër të tjera tha se do t’i kërkojë Gjykatës së Lartë të ndalojë kufizimimet e pilulave të abortit.
Me 70 vota pro, projektligji u nënshkrua nga guvernatori Ron DeSantis. Kjo shënoi herën e dytë në një vit që legjislatura në shtetin juglindor të SHBA votoi për të shkurtuar afatin kohor për një abort të ligjshëm. Prillin e kaluar, DeSantis nënshkroi një ligj që redukton kohën nga 24 javë në 15 javë të shtatzënisë.
Florida deri më tani mbante numër rekord dabortesh, pasi shumë gra e vajza nga shtetet fqinje kanë udhëtuar drejt saj për të kryer këtë akt.
Ky projekligj parandalon rreth 4 milionë gra e vajza të shtetit të Floridës në moshë riprodhuese, që të kenë akses në kujdesin ndaj abortit pas gjashtë javësh përpara se shumë gra ta dinë se janë shtatzanë.
Demokratët thanë se projektligji do të dëmtonte gratë dhe akuzuan republikanët se u jepnin përparësi besimeve të tyre fetare mbi shëndetin e zgjedhësve të tyre.
Mbështetësit republikanë të projektligjit thanë se ligji mbron shëndetin e grave duke bërë përjashtime për shtatzënitë e rrezikshme.
