Sulmuesi e bëri njoftimin pas fitores 3-1 të skuadrës së tij në finale të sezonit AC Milan ndaj Hellas Verona të dielën. Legjenda suedeze Zlatan Ibrahimovic ka njoftuar tërheqjen e tij nga një karrierë e shkëlqyer futbolli në moshën 41-vjeçare, duke e lënë Serinë A të Italisë si golashënuesin më të vjetër të ligws
Klubi kishte njoftuar më parë se do të zhvillonte një ceremoni të shkurtër për t’i dhënë lamtumirën yllit enigmatik pasi kontrata e tij nuk do të rinovohej në fund të këtij muaji.
“Herën e parë që erdha më dhatë lumturinë, herën e dytë më dhatë dashuri”, tha Ibrahimoviç. “Më pritët krahëhapur, më bëtë të ndihem si në shtëpinë time dhe do të jem Milanist gjithë jetën time”.
Sipas Federatës Ndërkombëtare të Historisë dhe Statistikave të Futbollit, Ibra luajti për nëntë klube gjatë karrierës së tij 24-vjeçare, duke shënuar 561 gola për klubin dhe vendin.
Ai del në pension si golashënuesi më i mirë i të gjitha kohërave të Suedisë me 62 gola në 121 ndeshje ndërkombëtare. Ai u tërhoq nga futbolli ndërkombëtar pas Euro 2016, por u rikthye për fushatën e dështuar të Suedisë kualifikuese për Kupën e Botës në 2021.
Suedezi tha në një konferencë shtypi të dielën se do të pushonte pak përpara se të vendoste se çfarë të bënte më pas.
“Për momentin, thjesht dua të marr pak kohë dhe të shijoj atë që kam bërë”, tha ai. “Nuk është e drejtë të marrësh vendime me nxitim, ka shumë emocione tani. Dua ta heq verën, të reflektoj dhe më pas të shohim.”
