Gjykata e Shkallës së parë Lezhë, ka dhënë vendimin e masës së sigurisë ‘arrest me burg’ për 36-vjeçarin Antonio Leka, i cili u arrestua vetëm 2 ditë më parë teksa lëvizte në rrugë me armë dhe municione luftarake.
“Isha nisur për të vrarë politikanët në Lezhë”, deklaroi në dëshminë e policisë gjatë arrestimit.
I pyetur se nga i kishte marrë armë, ai nuk ka pranuar të përgjigjet duke qëndruar në heshtje.
Sakaq kujtojmë se i riu ka shfaqur shenja të problemit të shëndetit mendor. Pritet gjithashtu të bëhet edhe një ekspertizë për të përcaktuar gjendjen e tij mendore. Si dhe në dhomat e paraburgimit në polici është dëshmuar si patriot, duke treguar tatuazhet që kishte në trup.
