Britaniku Lewis Hamilton e ka quajtur fitoren e tij në Çmimin e Madh të Sao Paulo 2021 si ‘garën më të veçantë të karrierës sime’, teksa ka reflektuar në disa nga momentet më të paharrueshme nga gara e tij 10 vjeçare për Mercedes.
Hamilton ishte përfshirë në një betejë të tensionuar për kampionatin botëror me Max Verstappen të Red Bull-it, dhe ishte pas pilotit holandez me 19 pikë me vetëm katër gara, dhe Sprint në Brazil, i mbetur për të vazhduar sezonin.
“Unë mendoj se me siguri gara ime më e mirë ndonjëherë dhe ndoshta gara më e veçantë e karrierës sime ka qënë në Brazil 2021,” tha Hamilton, duke reflektuar për atë fundjavë në Interlagos.
“Isha shumë krenar që mbaja këtë flamur në podium”.
“E dija që duhej të fitoja çdo garë dhe mbaj mend që në atë moment mendova se kishte mbaruar, nuk mund ta fitoj këtë kampionat botëror.
“Dhe pashë një nga marshallët që mbante flamurin dhe ndalova dhe e kapa. Ky ishte vetëm një nga momentet më të veçanta, kur mbajta flamurin lart në podium”.
38-vjeçari shtoi: “Ishte me të vërtetë vetëm një sinjal për të gjithë brenda Brazilit që unë ju njoh, ju vlerësoj, vlerësoj Ayrton dhe e dua Ayrton. E kam bërë gjithmonë që kur kam qenë fëmijë. Shpresoja se do ta ngrija lart kombin në një farë mënyre edhe pse nuk isha nga Brazili, por tani jam brazilian.”
