Kompania Google tashmë do të shtojë dhe një aplikacion të ri, i cili do të quhet Google Fi Wireless.
Planet e Fi Wireless tani do të mbështesin jo vetëm Pixel Watch, por edhe serinë e orëve të Samsung Galaxy Watch5.
Mbështetja po zgjerohet në planin Unlimited, ndërsa më parë, ishte në dispozicion vetëm në Unlimited Plus dhe Flexible. Pajisjet mund të qëndrojnë të lidhura pa telefon pa ndonjë kosto shtesë.
Shtimi i një linje të re në çdo plan do të ofrojë një telefon falas – një zgjedhje mes Samsung Galaxy A14, Pixel 6A ose Moto G Power.
Telefonat do të duhet të mbesin brenda planit për 2 vite, dhe vlera e pajisjes do të rimbursohet përmes krediteve të faturave çdo muaj. Tërheqja e hershme nga plani do të thotë që duhet të paguani çmimin e telefonit, në varësi të kohës së mbetur.
![](https://tiranapress.al/wp-content/uploads/2023/04/05.jpg)
Aplikacioni Google Fi Wireless është më i përshtatshëm për familjen, duke i mundësuar prindërve që të kufizojë se kush mundet të telefonojë apo t’u dërgojë mesazh fëmijëve brenda grupit.
Aplikacioni i ridizajnuar është ende duke u shpërndarë, dhe që në muajt në vijim do të jetë në dispozicion për të gjithë përdoruesit.