Berlini do të hapë dyert për 7000 atletë të Olimpiadës speciale nga datat 17-25 qershor 2023, si dhe partnerë të unifikuar nga rreth 170 vende për të garuar në 24 sporte. Atletët do të mbështeten nga më shumë se 3,000 trajnerë dhe 20,000 vullnetarë.
Komiteti Olimpik Ndërkombëtarë ka rekomanduar që atletët rusë dhe bjellorusë të lejohen përsëri në garat ndërkombëtare, megjithatë ministrja e Punëve të Brendshme të Gjermanisë, Nancy Faeser thotë se atyre mund t’u ndalohet hyrja në vend për të marrë pjesë në garat në tokën gjermane.
Megjithëse Gjermania nuk mund të kundërshtojë vetë rekomandimin e IOC, ose ato organe të tjera drejtuese atletike, Faeser thotë se një ndalim për atletët rusë dhe bjellorusë për të hyrë në vend do t’i ndalonte ata të jenë në gjendje të marrin pjesë në garat që zhvillohen këtu. Ajo tha se atletët ukrainas nuk duhet të përballen me konkurrentët nga një vend që është i përfshirë në një luftë kundër civilëve ukrainas.
IOC ka vendosur kushte për atletët rusë dhe bjellorusë që kthehen në garë, duke thënë se ata nuk duhet të jenë të lidhur me agjencitë ruse të sigurisë ose ushtrinë dhe duhet të garojnë nën një flamur neutral pa himn kombëtar. Pavarësisht se çfarë vendosin federatat individuale sportive, Faeser thotë se Gjermania do të vazhdojë të shikojë mundësinë ndalimin e vizave për atletët rusë dhe bjellorusë.
