Frank Lampard, do të jetë në krye të skuadrës për ndeshjen e së shtunës me Wolves.
Asgjë nuk është diskutuar për qëndrimin e 44-vjeçarit përtej verës, me procesin për identifikimin dhe emërimin e një trajneri me kohë të plotë që po vazhdon.
Golashënuesi rekord i Chelseat, u shkarkua si trajner në Stamford Bridge në janar 2021 pas 18 muajsh në detyrë. Më pas ai mori drejtimin e Evertonit, por u shkarkua në janar pas më pak se një viti në këtë rol.
Bashkëpronarët e Chelsea, Todd Boehly dhe Behdad Eghbali cituan se:
“Ne jemi të kënaqur të mirëpresim Frankun në Stamford Bridge. Frank është një Hall of Famer në Premier League dhe një legjendë në këtë klub.
“Ndërsa ne vazhdojmë procesin tonë të plotë dhe shterues për një trajner të përhershëm, ne duam t’i ofrojmë klubit dhe tifozëve tanë një plan të qartë dhe të qëndrueshëm për pjesën e mbetur të sezonit.
“Ne duam t’i japim vetes çdo shans për sukses dhe Frank ka të gjitha karakteristikat dhe cilësitë që na duhen për të na çuar në vijën e finishit.
“Ne kemi një lojë të rëndësishme kundër Ëolves të shtunën dhe më pas do ta kthejmë vëmendjen tonë në çerekfinalen tonë të Champions League në Madrid javën e ardhshme.
