Shqipëria barazon në frymën e fundit ndaj Kroacisë dhe mban gjallë shpresat për kualifikim.
Shqipëria u shfaq me dy fytyra të takimin e sotëm në Hamburg, ku tifozeritë e të dyja ekipeve ishin të zjarrta.
Pjesa e parë foli për kuqezinjtë, që u futën mirë në fushë, duke u treguar luftarakë dhe duke mos u lënë hapësira kroatëve, që hasën vështirësi për të depërtuar në zonën e kuq e zinjve. Goli i avantazhit erdhi në minutën e 11-të. Krosi i Jasir Asanit gjen kokën e Qazim Laçit, i cili me një devijim të lehtë e çon topin në rrjetën kroate. Shqipëria 1-0 Kroacia!
Kombëtarja kishte rastin për të dyfishuar me Kristjan Asllanin, i cili doli përballë me portierin kroat pas një pasimi nga Asani. Kundërsulmi nuk u arrit të finalizohej me gëzim për kuq e zinjtë, pasi goditja e mesfushorit të Interit u bllokua nga gardiani i kroatëve. Një tjetër rast i mirë për Shqipërinë ishte edhe ai në fundin e pjesës së parë, kur Manaj goditi me kokë nga brenda zone, por Livakovic priti edhe njëherë.
Pjesa e dytë nisi ndryshe. Kroatët shtuan presionin duke detyruar kuq e zinjtë të luajnë më shpesh në mbrojtje.
Djemtë e Dalic u shpërblyen në minutën e 74′, kur Kramaric e çoi topin pas shpinës së Strakoshës. Vetëm dy minuta më pas, Gjasula i sapo futur në fushë si zëvendësues i heroit të pjesës së parë Qazim Lacci, shënon autogol.
Shqipëria 1-2 Kroacia.
Kroatët kishin të tjera raste për të shënuar sërish, ndërsa kombëtarja jonë hasi vështirësi për të rrezikuar portën kroate.
Një shkëndijë i dha ndeshjes Arbër Hoxha pas futjes në lojë si zëvendësues në minutën e 85-të. Ishte pikërisht Hoxha i cili dha pasimin e golit e 2-2 në minutën e 96-të. Shënoi Gjasula, i cili shleu në një farë mënyre autogolin e shënuar në portën e tij.
Minutat e fundit ishin emocionuese dhe si Shqipëria, ashtu dhe Kroacia, kishin mundësinë e një goli tjetër.
Ndeshja përfundoi 2-2 dhe Shqipëria pret Spanjën në takimin e fundit për të përcaktuar kualifikimin
