Një ngjarje e rëndë tronditi dje Kosovën, ku pas disa të shtënave me armë zjarri, një grua mbeti e vrarë, teksa një person tjetër u plagos. Viktima është Erona Cokli, 21-vjeçare, e cila u vra nga bashkëshorti i saj, Valon Aliu, 36-vjeçar.
Drejtoresha e Qendrës për Punë Sociale në Ferizaj tregon si ndodhi vrasja e 21-vjeçares nga ish-bashkëshorti: I solli djalin, nxori armën dhe e qëlloi Po ashtu, është zbuluar edhe identiteti i autorit të dyshuar për vras
Ngjarja ka ndodhur në Qendrën për Punë Sociale në Ferizaj ndërkohë që drejtoresha për Punë Sociale, Adelina Rexhepi tregoi shkurtimisht se si nisi konflikti.
I dyshuari, “ka dashur t’ia marrë fëmijën viktimës, të cilës i takonte pas ndarjes”. Sipas këtij burimi, i gjithë rasti ka ndodhur për këtë.
I njëjti ndërkaq, ka zbuluar për Nacionalen se “i dyshuari ka qenë shok me Dardan Krivaqën”, i cili tashmë ndodhet në burg po ashtu për vrasjen e bashkëshortes së tij, Marigona Osmanit. Ndryshe, të premten reth orës 14:40 policia e ka marrë informatën se në Qendrën për Punë Sociale në Ferizaj, ka pasur të shtëna me armë zjarri.
Rreth orës 15:15, policia ka identifikuar të dyshuarin, V.A i moshës 36 vjeçare, dhe më pas kanë arrestuar të njëjtin.
Prokuroria ndërkaq, ka njoftuar se i dyshuari është dërguar në mbajtje për 48 orë: “I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja” sipas Kodit Penal të Republikës së Kosovës.” – thuhet në njoftim.
