Elon Musk ka kërcënuar se do të padisë Microsoft-in, pasi akuzoi gjigantin e teknologjisë për përdorimin e të dhënave nga kompania e tij e mediave sociale pa leje.
Multi-miliarderi në postimin e tij në Twitter shprehet se: “Ata trajnoheshin ilegalisht duke përdorur të dhënat e Twitter. Koha e padisë “. Pra zoti Musk po i përgjigjet planit të Microsoft-it për të hequr Twitter nga platforma e tij e reklamave të korporatave.
Më përpara, kompania dha një njoftim se platforma e saj e reklamave “nuk do të mbështesë më Twitter” në datën 25 prill. Si rezultat, blerësit e reklamave nuk do të jenë në gjendje të hyjnë në llogaritë e tyre në Twitter përmes mjetit të menaxhimit social të Microsoft.
Microsoft raportoi se “Kanale të tjera të mediave sociale si Facebook, Instagram dhe LinkedIn do të vazhdojnë të jenë të disponueshme”. Microsoft nuk pranoi të japë deklaratë për shtyp.
Në një postim të veçantë në Twitter, në diskutimin rreth të dhënave të platformës së mediave sociale, Musk tha se ishte “i hapur ndaj ideve”. Gjithashtu shtoi se “Heqja e bazës së të dhënave të Twitter-it, heqja e reklamave dhe më pas shitja e të dhënave tona te të tjerët nuk është një zgjidhje fituese”.
Në shkurt, Twitter filloi të tarifojë për të dhënat që merren nga “qindra miliona” përdorues, me një plan bazë që fillon nga 100 dollarë në muaj. Të dhënat i lejojnë përdoruesit të “menaxhojnë dhe gjurmojnë çdo aspekt të pranisë tuaj në mediat sociale”, sipas platformës.
Në muajt e fundit, kompanitë e mëdha, përfshirë prodhuesin e iPhone, Apple, thuhet se kanë ndërprerë reklamat në platformë për shkak të shqetësimeve se si moderohet përmbajtja në faqe. Kujtojmë se në nëntor, Musk ka thënë se Twitter kishte pas një rënie “masive” të të ardhurave dhe fajësoi aktivistët për presion ndaj reklamuesve.
