Një 40-vjeçar ka humbur jetën teksa punonte në Qerret të Kavajës. Viktima, sipas policisë, ra në kontakt me energjinë elektrike, teksa po shtronte një linjë interneti.
“Rreth orës 11:45, në lagjen Qerret, Kavajë, shtetasi R. R., 40 vjeç, duke shtruar një linjë interneti dyshohet se ka rënë në kontakt me rrymën elektrike dhe për pasojë ka humbur jetën”, njoftoi policia.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
