Shqiptari ndodhet në spital në gjendje të rëndë, teksa autori është arrestuar
Një ngjarje e rëndë ka ndodhur në Greqi, ku një shqiptar ka mbetur i plagosur rëndë.
Mësohet se ngjarja ka ndodhur në fshatin Marathia të Fokidës, ku shqiptari është qëlluar me thikë nga një shtetas grek. Sipas mediave greke, shqiptari është konfliktuar me grekun, pasi ky i fundit e akuzoi se i kishte ngacmuar vajzën gjatë një koncerti që mbahej në fshat.
Shqiptari ndodhet në spital në gjendje të rëndë, teksa autori është arrestuar dhe do qëndrojë në qeli, deri në përfundim të hetimeve për akuzat e ngritura ndaj tij.
