Pak ditë më parë qarkulluan lajme për një largim të francezit Karim Benzema në Ligën Arabe, duke konkuruar me Messin dhe Ronaldon.
Por zërave i dha fund vetë sulmuesi duke thyer heshtjen.
“Të shtunën kam një ndeshje, do stërvitem, pra për momentin do të jem në Madrid. Pse duhet të diskutohet e ardhmja ime? Jam lojtari i Real Madrid, realiteti është ndryshe nga ato që lexohen në internet. Jam shumë krenar që jam pjesë e Realit, po shijoj çdo moment”, u shpreh ndër të tjera Benzema duke mohuar në këtë mënyrë kalimin e tij në Arabinë Saudite ku e priste një kontratë sheikësh.
Largohet apo jo Benzema, presidenti Perez dhe stafi i tij po punojnë për të gjetur një sulmues të ri, pasuesin e francezit. Sipas AS, në skenë ka dalë emri i Havertz, sulmuesi i Chelsea-t. Gjermani shihet profili ideal nga drejtuesit e klubit, por moshën, vlerën dhe potencialin e tij.
Ndryshe nga drejtuesit e Realit e mendon Carlo Ancelotti. Tekniku italian është i fiksuar pas idesë për të pasur në Madrid, Harry Kane, por kartoni i tij kushton minimalisht 100 milionë euro.
