Një grua e moshuar në Kinë, e cila mendoi se po përdorte një çekiç për të thyer arra dhe për të goditur gozhdat për 20 vjet, u trondit kur zbuloi se mjeti ishte në të vërtetë një granatë dore.
Historia befasuese filloi dy dekada më parë kur gruaja, me mbiemrin Qin, e cila tani është 90 vjeçe, nga Xiangyang, provinca Hubei në Kinën qendrore, gjeti një “gungë metali” të pazakontë ndërsa punonte në fermën e saj në qarkun Huangbao, shkruajnë mediat e huaja.
Duke e ngatërruar me çekiç për shkak të formës së tij, ajo e mori në shtëpi dhe e përdori për punë të ndryshme shtëpiake.
“Unë e kam përdorur atë në shtëpi – për të çarë arrat dhe për të goditur me çekiç në gozhdë”, shpjegoi Qin në një video që është bërë trend në internet.
Zbulimi se ajo në fakt kishte të bënte me një pajisje vdekjeprurëse doli në dritë më 23 qershor, kur punëtorët po prishnin shtëpinë e saj të vjetër – duke parë se ishte një granatë dore.
