Interi ka triumfuar duke eliminuar Milanin me rezultat të përgjithshëm 3-0 në gjysmëfinale, për të kaluar kështu në finalen e Ligës së Kampionëve.
Ndeshja e parë përfundoi 2-0 në të mirë të Nerazzurëve, ndërsa mbrëmjen e së martës u vulos gjithçka në Giuseppez Meazza.
Zikaltrit filluan të krijonin lojën e tyre, duke bërë presion të madh në rivalin lokal.
Ndonëse të dyja ekipet ishin të vendosura mirë në fazën defanzive duke mos lënë hapësira.
Mundësinë e artë e lëshoi Rafael Leao në minutën e 38-të, pasi kaloi lehtë në mbrojten e Interit, por goditja e tij ishte e pasaktë.
Në 45 minutat e pjesës së dytë, ishte një pamje tjetër, me Interin që ishte më i saktë para portës.
Të dyja skuadrat sërish filluan me kujdes të shtuar, por Milani e dinte se nuk kishte më çfarë të humbiste.
Zikaltërit i shfrytëzuan hapësirat e lëna bosh nga Rossonertë, për të kaluar në epërsi me golin e Lautaro Martinez që u asistua prej Romelu Lukakut në minutën e 74-të.
Pas vetëm katër minutash, sulmuesi argjentinas për pak sa nuk e befasoi Maignanin, që e kishte lëshuar portë e tij, por që francezi e dërgoi topin në korner.
Me këtë fitore, Interi kalon në finale të Ligës së Kampionëve, ndërsa nesër mbrëma, do ta mësojë kundërshtarin, në duelin mes Manchester Cityt dhe Real Madridit që luhet në Etihad Stadium.
