Tik Tok dhe SHBA duket se kanë nisur një luftëme njëra tjetre. Përfaqësuesi i kësaj kompanie deklaroi të hënën se aplikacioni tani ka 150 milionë përdorues aktivë mujor në SHBA, nga 100 milionë që tha se i kishte në vitin 2020.
Ky aplikacion i cili është në pronësi kineze konfirmoi shifrën përpara dëshmisë së shefit ekzekutiv të TikTok, Shou Zi Chew, i caktuar të enjten përpara Komitetit të Energjisë dhe Tregtisë së Dhomës së Përfaqësuesve në SHBA.
Të premten, gjashtë senatorë të tjerë amerikanë mbështetën legjislacionin dypartiak për t’i dhënë presidentit amerikan Joe Biden kompetenca të reja për të ndaluar TikTok-un për arsye të sigurisë kombëtare.
Aplikacioni përballet shpesh herë me presion në rritje në Washington, duke përfshirë thirrjet për të ndaluar përdorimin e aplikacionit, pasi kanë frikë se të dhënat e përdoruesve të tij në SHBA mund të bien në duart e qeverisë së Kinës. TikTok tha në shtator 2021 se globalisht kishte më shumë se 1 miliard përdorues mujor.
Kryetari i Komitetit të Inteligjencës së Senatit, Mark Warner, i cili po mbështet legjislacionin për t’i dhënë administratës më shumë kompetenca për të ndaluar TikTok, tha se ai nuk mendonte se të dhënat e TikTok në SHBA ishin të sigurta.
