Lojtari portugez Cristiano Ronaldo ka thënë se është i hapur ndaj idesë për të zotëruar një klub futbolli pasi të tërhiqet nga loja në “maksimum dy deri në tre vjet”.
Portugezi tashmë ka një kontratë me klubin e Arabisë Saudite, Al Nassr deri në qershor të vitit 2025, por tashmë po bën plane për të ardhmen e tij.
“Unë nuk e përjashtoj mundësinë që të bëhem pronar klubi,” u tha 38 vjeçari, gazetarëve gjatë një ngjarjeje në Madrid për sipërmarrjen e tij të re të biznesit të ujit në shishe. “Është diçka për të cilën kam menduar disa vite më parë. Ndoshta do të doja të zotëroja një klub futbolli. Jam në fund të karrierës sime, maksimumi dy deri në tre vjet.”
Ndërkohë, Ronaldo, i cili nënshkroi për Al Nassr në janar pas largimit nga Manchester United , festoi vendimin e ish- bashkëlojtarit të Real Madridit, Karim Benzema për t’iu bashkuar Arabisë Pro League.
35 vjeçari Benzema, anuloi zgjatjen e kontratës së tij një vjeçare me Madridin dhe në vend të kësaj nënshkroi për kampionët saudit Al Ittihad .
“E dija që duke shkuar në Arabinë Saudite do të hapja kutinë”, tha Ronaldo. “Karim Benzema ka shkuar atje, por jam i sigurt se shumë të tjerë do të pasojnë. Për dy ose tre vjet, ajo (Saudi Pro League) do të jetë një nga më të rëndësishmet në botë. Le të vijnë të gjithë yjet në Arabi, atje nuk kemi probleme me ligën. Ajo që duam është konkurrenca.”
Një lojtar që nuk do t’i bashkohet është Lionel Messi. Sulmuesi argjentinas hodhi poshtë një ofertë fitimprurëse nga skuadra saudite Al Hilal dhe konfirmoi të mërkurën se ai do t’i bashkohet skuadrës së Major League Soccer Inter Miami CF si agjent i lirë pasi kontrata e tij me Paris Saint-Germain skadon më 30 qershor.
Sergio Ramos , Jordi Alba , Sergio Busquets , N’Golo Kante , Angel Di Maria, Iago Aspas dhe Roberto Firmino gjithashtu raportohet se janë duke u rreshtuar për të nënshkruar për klubet në Ligën Pro Saudite.
