Zyrtarët kinezë të shëndetësisë thonë se valës aktuale të infeksioneve Covid-19 në vend “po i vjen fundi”.
Qendrat për Kontrollin dhe Parandalimin e Sëmundjeve thanë në një raportim se numri i rasteve të rënda dhe vdekjeve me Covid është në rënie.
Ata gjithashtu thanë se nuk kishte pasur “asnjë rikthim të dukshëm” gjatë festave të Vitit të Ri Hënor javën e kaluar, ku miliona u ribashkuan për tubime familjare.
Ka kohë që janë ngritur pyetje në lidhje me raportimin e Kinës për Covid. Por ekspertët thonë se rënia e raportuar, korrespondon me kohën e pritshme të përfundimit të kësaj vale të madhe.
Virusi përfshiu qytetet kineze pasi autoritetet hoqën zero kufizime për Covid-19 në dhjetor. Megjithatë, vizitat në klinika kanë rënë me 90% gjatë muajt janar, dhe shtrimet në spital kanë rënë me më shumë se 85%.
Sidoqoftë, CDC tha se nuk kishte pasur rritje të menjëhershme pas periudhës festive. Sipas të dhënave të CDC, vdekjet nga Covid u përgjysmuan në javë të njëpasnjëshme gjatë janarit. Gjithsej 12,658 vdekje u regjistruan midis 13-19 janarit, ndërsa 6,364 vdekje u regjistruan javët në vijim.
