Lionel Messi s fundmi është bërë shkak i një tornado thashethemesh. Arsyeja është kontrata që i skadon në qershor me skuadrën e PSG.
Ndonëse babai dhe njëkohësisht menaxheri i futbollistit argjentinas i ka mohuar raportimet se kishte vendosur të transferohej tek Al Hilal në Arabinë Saudite.
“Nuk ka absolutisht asgjë me asnjë klub për vitin e ardhshëm. Vendimi nuk do të merret para se Lionel të përfundojë sezonin”, – shkroi Jorge Messi në Instagram të martën.
Pra, a është ende e hapur dera për ish-klubin e Messit, FC Barcelona?
Sido që të jetë, katalanasit duket se ende po luftojnë për rikthim! Siç raporton gazeta sportive franceze “L’Equipe”, “blaugranat” janë duke përgatitur një ofertë.
Messi mund të arkëtojë 23 milionë euro në vit te Barça.
Një shumë e konsiderueshme, më e madhe se çfarë ishte menduar më parë. Për ta realizuar këtë, Barcelona me borxhe të larta, duhet ende të vërë në lëvizje disa gjëra!
Para së gjithash, duhen shitur disa lojtarë dhe rrogat e futbollistëve të tjerë në skuadër do të duhet të shkurtohen.
