Mesa duket edhe këtë sezon ferrari dhe Charles Leclerc nuk pretendojnë një titull kampionësh.
Aktualisht, Leclerc nuk ka përfunduar dy prej tre garave të zhvilluara dhe kjo për arsye teknike të makinës ë tij duke e lënë në mesin e garës pa patur mundësi ti përfundojë ato. Monegasku për momentin ka vetëm 6 pikë në klasifikimin e përgjithshëm.
“Është padyshim starti më i keq në jetën time. Jam shumë i inatosur, jam me vetëm gjashtë pikë në klasifikim. Tani nuk mendoj shumë për atë që mund të ofroj sezoni në të ardhmen, objektivi im kryesor për garat e radhës është të përfundoj garën dhe të kaloj vijën e finishit pa pasur penalitet apo ndonjë aksident. Më pas ideja është të përfitojmë nga momenti i mirë dhe të shohim para”, u shpreh Leclerc.
