Duket se ky sezon ka nisur mbarë për futbollin Italian.
Pas Milan, Inter e Napoli, tre ekipet që siguruan një biletë për në fazën çerekfinale të Champions League, Serie A avancon më tej me 3 ekipe të tjera, dy në Europa League dhe një në Conference League. Juventus mposhti Freiburg edhe në Gjermaninë, me rezultatin 0-2 duke siguruar një biletë për në çerekfinalet e Europa League. Autorët e golave ishin Dusan Vlahovic dhe Chiesa. Një biletë siguroi edhe Roma e Mourinho-s. Verdhekuqtë e mbyllën në barazim pa gola transfertën përballë Real Sociedad, i falen fitores së pastër 2-0 në Romë.
Fiorentina mposhti Sivassport me rezultatin 4-1. Por kjo nuk është hera e parë për Italinë që kalon në çerekfinalet e turneve evropian me të paktën 6 ekipe. Vetëm në sezonin 1990/91, Italia arriti të dërgojë 7 ekipe në këtë fazë.
