Orët e tmerrit dhe pritjes së lajmeve pozitive për nxjerrjen e trupave të gjallë nën rrënojat e tërmeti shkatërrimtar të së hënës në kufirin Turqi- Siri.
Por mes fatkeqësisë ka edhe momente lumturie kur nxirren të gjallë grup mosha të ndryshme të banorëve, si rasti i një foshnje e cila ishte e lidhur ende me kordonin e kërthizës së nënës, ka lindur në orët e tërmetit të frikshëm, ku e ëma nuk mundi të shpëtojë dot.
Aya, emri i vogëlushes që u vu nga ekipi i shpëtimit, që në gjuhën arabe do të thotë mrekulli.
Një rrahje zemre e dobët, por e gjallë! Nëna, babi dhe të katër vëllezërit e motra e saj vdiqën, pasi tërmeti goditi qytetin e Jindirës, disa kilometra larg kufirit turk.
Aya tani është në spital. ‘Ajo mbërriti të hënën në gjendje shumë të keqe, kishte gunga, mavijosje, ishte e ftohtë dhe mezi merrte frymë.’ tha Hani Marouf, pediatri i saj. Tani është në gjendje stabël! Khalil al-Suëadi, një i afërm i largët, ishte i pranishëm në shpëtimin e Aya, i cili e çoi atë te mjeku Marouf në Afrin, 26 kilometra në veri.
Për Aya, solidaritetit filloi menjëherë. ‘Do të doja ta birësoja dhe t’i dhuroja një jetë të denjë’, kanë shkruar shumë në rrjetet sociale. Një prezantues i drejtpërdrejtë televiziv kuvajtian tha: ‘Unë jam gati të kujdesem dhe të adoptoj këtë fëmijë… nëse më lejon procesi ligjor’. Drejtori i spitalit, Khalid Attiah, konfirmoi për BBC, se kam marrë dhjetëra telefonata nga njerëz në mbarë botën.
Por Dr Attiah, i cili ka një vajzë vetëm katër muaj më të madhe se Aya, shpjegon: ‘Nuk do të lejoj askënd ta adoptojë ende. Derisa të afërmit e saj më të largët të kenë mundësinë të marrin përgjegjësinë, unë do ta trajtoj atë sikur të ishte një nga familja ime.’ Duke nënvizuar se gruaja e tij po e ushqen me gji së bashku me vajzën e saj.
Në qytetin e lindjes së Aya-s, Jindires, si në shumicën e vendeve të prekura nga tërmeti, gërmimet vazhdojnë për të shpëtuar të mbijetuarit. Janë vende nga të cilat popullsia iku në të kaluarën nga terrori i sulmeve kimike dhe bombardimeve nga regjimi i Damaskut. “Është një fatkeqësi. Ka kaq shumë njerëz nën rrënoja. Mendoj se 90% e qytetit është shkatërruar. Dhe pjesa më e madhe e ndihmës deri më sot ka ardhur nga popullsia vendase,” shpjegoi një gazetar lokal Mohammed al-Adnan.
