Gjykata Apelit ka zbardhur ditën e hënë të tjera dokumenta kundër paraburgimit pa afat nga avokati mbrojtës i Dani Alves, Cristobal Martell.
Ish-ylli i Barcelonës ra në prangat e policisë në 20 janar pasi akuzohet për ngacmim seksual ndaj një të vajze të re.
Raportohet se ngjarja ka ndodhur në një klub nate në Barcelonë me 30 dhjetor, ku ka qenë i pranishëm Alves sëbashku me disa miq të tij ku pretendohet se ka sulmuar seksualisht një vajzë teksa po hynte në tualet.
Nga ana tjetër lojtari dyshon për rrëfimin e viktimës pasi shihet kontradiktore, de pretendon se ankuesja ka hyrë qëllimisht në tualetin e tij pa i lënë hapësirë manovrimi apo të largohej lojtari.
Pala mbrojtëse e Dani Alves argumenton se pamjet e videove përgënjeshtrojnë rrënjësisht versionin e viktimës dhe nuk e tregojnë atë në terror, frikë apo diçka tjetër, por tepër e qetë.
Avokatët e brazilianit gjithashtu thonë se nga kamerat e sigurisë dallohet qartë që Alves futet vetëm në tualet, dhe pas disa çastesh, shihet denoncuesja e cila i shkon nga pas dhe e hap derën e tualetit.
