Ministrja e Jashtme e Gjermanisë e ka cilësuar konfliktin e mundshëm ushtarak në Tajvan si një “skenar horror” me pasoja deri në vendin e saj.
Pas takimit me ministrin e jashtëm kinez, Qin Gang, në Pekin, Annalena Baerbock tha se një ndërhyrje potenciale e Kinës ndaj Tajvanit do të kishte pasoja në mbarë botën.
“Një destabilizim do të kishte pasoja për të gjitha vendet, ekonominë globale dhe Gjermaninë gjithashtu”, tha Baerbock, nga Partia Gjermane e Gjelbër. “Ne po shikojmë me shqetësim të madh tensionet në rritje në ngushticën e Tajvanit.”
