Aktori dhe producenti i njohur amerikan Danny Glover ka vizituar ditën e sotme Muzeun Historik “Gjergj Kastrioti Skëndërbeu” në Krujë.
Lajmi u bë me dije nga faqja zyrtare e Muzeut Historik dhe Etnografik në Krujë përmes një fotografie të postuar.
Glover pas vizitës së muzeut, ka parë dhe filmin Skënderbeu i cili transmetohej në muze.
Ai u shpreh i mahnitur nga historia e heroit kombëtar të shqiptarëve.
Ka qenë bashkia Tiranë që i ka dërguar një ftesë produicentit të njohur i cili e ka pranuar me kënaqësi për të mësuar më shumë mbi heroin tonë kombëtar Gjergj Kastriot Skënderbeun dhe historinë e Shqipërisë.
76-vjeçari ka pasur një sërë rolesh në filma, skenë dhe televizion, dhe është më i njohur për rolin e rreshterit të policisë së Los Anxhelosit Roger Murtaugh në serinë e filmave aksion “Lethal Weapon”, duke luajtur së bashku me Mel Gibson dhe Joe Pesci. Më vonë ai luajti edhe një herë me Gary Busey në filmin e suksesshëm Predator 2. Gjithashtu ka qenë producent në disa filma amerikanë të realizuar.
